En Agrocontratación facilitamos a xestión da lei da cadea alimentaria. Temos modelos de contrato normalizados para as operacións máis habituais. Non obstante, cada empresa pode utilizar os seus propios modelos e, se a empresa o require, tamén temos a opción de revisar o modelo por parte dun especialista xurídico nesta normativa. Isto fai que o proceso de formalización dun contrato sexa un trámite moi sinxelo.
Tamén facilitamos non só a formalización do contrato, con sinatura dixital legalmente válida, senón tamén a obriga legal de rexistrar o contrato na AICA, e o arquivo da documentación durante 4 anos esixida pola lei, tanto do propio contrato como do comunicacións asociadas. Todo isto de xeito automático para o usuario, para que esta obriga legal non supoña carga administrativa, e polo tanto custos, para a empresa.
Tamén temos ferramentas para técnicos de campo. Isto é importante para as empresas que teñen persoal no campo para facer compras, facilitándolles a xestión dixital de extremo a extremo, e por tanto beneficiarse dos aforros de custos derivados da ausencia do papel, da simplicidade á hora de rexistrar o contrato na AICA, e de arquivar as comunicacións asociadas ao mesmo.
É importante que os gandeiros se rexistren e utilicen a plataforma, non só para ter unha ferramenta coa que comunicarse cos seus compradores e gardar información sobre as súas vendas, senón tamén para mellorar a súa situación no mercado. Hai que ter en conta que os compradores están obrigados a formalizar contratos, e se non o fan son sancionados. Se se lle facilita a un comprador interactuar contigo a través de Agrocontratación, a distancia física ao comprador non ten importancia, xa que, aínda que esteas nunha cidade afastada do comprador, este poderá interactuar contigo máis facilmente do que el faría cun gandeiro que está fisicamente nunha cidade próxima, pero non ten a ferramenta. Iso fai que as opcións de venda sexan mellores. A través de Agrocontratación poderás traballar cos compradores cos que adoitas interactuar, simplemente é unha ferramenta para facilitar as comunicacións.